Piše Snekica: Da li nas ljubavi koje nas zabole učine jačim?

Piše Snekica: Da li nas ljubavi koje nas zabole učine jačim?

Dragi moji,

Koliko vas je puta neka ljubav zaboljela, ostavila traga na srcu, neprespavane noći, mokar jastuk od suza, tražili utjehu u baladama, a duša nam se lomila. Sigurno svako od vas je prošao kroz ovaj nemili momenat u svom životu. Niko ne ostaje pošteđen, pitanje je samo da li će da prizna i koliko se brzo iščupao iz toga. Prvi put kada me je ljubav zaboljela, namerno kažem tako, a ne pogrešna ljubav, jer sve što ste nekada voljeli dali srce na dlanu valjda nije pogrešno, mislila sam da ću se brzo iščupati. I nisam. Valjda nisam bila dovoljno jaka. A, onda sam u tom benzađu upadala sve dublje i dublje, koračala u sve tamniji i tamniji tunel, skoro pa da nisam mislila da ću na kraju njega naći svjetlost.

Sebe sam kopala, ne želeći da se pomirim s nečim što nije imalo sreću u samoj osnovi. Bila sam zaluđena, slijepa i gluva. Propadala sam. Svijet se rušio, mislila sam da je taj crni talas oko mene sve što mi je ostalo, a onda sam shvatila da što osim sebi nanosim bol, to radim i drugim.

Skupila sam hrabrosti i krenula dalje. Nisam znala da li mogu, al sam znala da od ovog ne može gore. Spakovala sam kofer i otišla daleko. Daleko od svih sama i nesrećna. Prvih mjeseci mi je bilo užasno teško, borila sam se. Nisam željela da ponovo budem kukavica kojoj ću prije svega sama da slomim krila pa onda svi drugi.

Koračala sam stepenik po stepenik i uspjela sam. Probudila sam onu drugu mene. Snažnu, ponovo veselu, ali prije svega jaku… Bila sam hrabra tako godinama… A onda opet isti scenario. Isti maler prvo pola godine, pa dvije godine…

Ali, naučena na poraze i dizanje iz pepela ponovo sam se vratila.

Tri puta dovoljno je za ovaj život.

Ajmo možda četvrti put bude srećan. Ko zna?

Ljubi vas vaša Snekica

Slični članci

Ostavi komentar